Operacioni i organizuar nga policia greke që ka çuar pas hekurave bandën e 30-vjeçarit shqiptar Esmin Ferhati ku ishin pjesë 32 persona të arrestuar në ambientet e Universitetit Politeknik të Athinës “Zografou”, ka arrestuar dhe 2 anëtarë të tjerë në qytetin e Prevezës.
Sipas mediave greke të arrestuarit janë një burrë dhe një grua me origjinë shqiptare, të cilët akuzohen për disa grabitje me armë në dyqane dhe vjedhje automjetesh. Gjatë arrestimit, atyre iu sekuestruan armë, një makinë dhe veshje të përdorura në grabitje.
Burrë e grua qëndronin në një dhomë me qira në zonën e Prevezës dhe sipas burimeve të epiruspost, kanë mbërritur aty pasi nisi operacioni në “Zografou” për të kapur “Eskon”.
