Kreu i PD-së, Sali Berisha ka akuzuar për trafik drogë kryetarin e Bashkisë së Librazhdit Kastriot Gurra.
Në denoncimin e ardhur në FB-në e Berishës, thuhet se kryebashkiaku Gurra përdor makinën me targa false për të trafikuar drogë për llogari të kryetarit të grupit parlamentar të Partisë Socialiste, Taulant Balla.
“Makina me targa falco e kryetarit të Bashkisë së Librazhdit përdorej për trafik droge për llogari të Taulant Begos. Makina Gurra-Balla me targa falco kalonte gjer në 300 kg droge në ditë në Qafë Thanë dhe në Kapshticë.”,shkruan Berisha bashkangjitur denoncimit të qytetarit.
Sipas personin që denoncon, droga kalon nga dogana e Kapshticës dhe Qafë Thanës.
“Jam një qytetar nga Librazhdi. Kryetari i Bashkisë së Librazhdit, Kastriot Gurra përdor makine me targa fallco që përdoret për trafik droge për llogari të Taulant Ballës. E nxjerr hashashin nga malet e Librazhdit deri në doganën e Qafë Thanës. Policia ka dijeni për këtë linjë të trafikut të drogës, por nuk ndërhyn, biles një makine policie i hap rrugën makinës së kryetarit të Bashkisë, Kastriot Gurra deri në doganë, dhe aty ndërrojne targat dhe me targa të tjera në bashkëpunim me doganierët e Taulant Ballës, kalojnë drogën në Maqedoni dhe në Evropë. Makina me targa fallco e Taulant Ballës dhe Kastriot Gurrës kalon deri në 300 kile droge në ditë drejt Maqedonisë dhe nga Kapshtica drejt Greqisë. Dje u publikua lajmi nga se kryetari i Bashkisë së Librazhdit Kastriot Gurra, i cili qarkullon me një mjet që ka targa false. Gurra ka në përdorim një fuoristradë Toyota Land Cruiser me targë TR 9243 T dhe TR 1666 K. Të dyja nuk rezultojnë aktive por janë denoncuar si të humbura”, ka thënë qytetari.
