Analisti Baton Haxhiu komentoi këtë të Enjte në emisionin “Opinion” takimin mes ambasadores amerikane në vendin tonë Yuri Kim me kreun e PL-së Ilir Meta.
Për takimin e zhvilluar disa ditë më parë, Baton Haxhiu tha se u bë me qëllimin e ambasadores së Meta të mos bashkëpunojnë me Sali Berishën.
Për këtë të fundit, në një intervistë të transmetuar më herët gjatë ditës në “Opinion”, Yuri Kim tha se “nuk do të takohem me dikë që është shpallur nga Sekretari i Shtetit për korrupsion madhor ose minim të demokracisë”.
Madje ajo rikonfirmoi se njeh Enkejed Alibeajn si kryetar të PD-së.
Lidhur me takimin me Metën, Kim tha se “folëm më herët për rëndësinë e institucioneve demokratike. Për ne, marrëdhëniet institucionale janë shumë të rëndësishme”.
E pyetur “ishte në një mendje me ju për të gjitha temat”, ajo u përgjigj: Jo, sigurisht që jo.
