Ministrja e Barazisë, Irene Montero, do të duhet të përgjigjet këtë të mërkurë në seancën plenare të Kongresit për fjalët e saj për seksualitetin e fëmijëve. Kjo pasi në paraqitjen e saj para Komisionit të Barazisë, Montero aludoi për rëndësinë që të miturit të njohin trupin dhe pëlqimin e tyre në marrëdhëniet seksuale.
“Fëmijët e këtij vendi kanë të drejtë të njohin trupin e tyre, të dinë se asnjë i rritur nuk mund t’i prekë trupin nëse nuk duan dhe se kjo është një formë dhune. Të dinë se mund të duan ose të kenë marrëdhënie seksuale me kë të duan, bazuar, po, në pëlqim” tha ajo.
Qytetarët gjithashtu i kanë cilësuar fjalët e Monteros për seksualitetin e të miturve si të papranueshme dhe kanë kërkuar që ministri të japë dorëheqjen ose të shkarkohet nga presidenti, Pedro Sánchez. Deri më tani, tema e legjitimimit të pedofilisë në nivel politik ka qenë gjithmonë tabu, por fjalët e Monteros, një anëtare e së majtës radikale, duken si një hap i qartë drejt pedofilisë së mbështetur nga shteti.
