Kryeministri Edi Rama ka bërë hapa pas në lidhje me hetimet për fatin e të shumëkërkuarit Ervis Martinaj, i cili rezulton i zhdukur pa gjurmë prej 9 gushtit.
Në një deklaratë për mediat pas mbledhjes së qeverisë, Rama, ndryshe nga më herët që deklaronte se Policia e Shtetit kishte dijeni për atë që kishte ndodhur me Martinajn, tha se blutë nuk kanë asnjë provë. Kreu i qeverisë tha që në momentin që do të ketë prova, Policia e Shtetit do të flasë, por përsa kohë nuk ka asnjë provë, nuk bën dot asnjë komunikatë në lidhje me këtë ngjarje.
Pyetje: Kur do të reagojë policia për të zbardhur zhdukjen misterioze të Ervis Martinajt?
“Di tu them që në momentin policia nuk ka prova të mjaftueshme, kur të ketë prova do të bëjë edhe komunikimin pë rmediat. Deri tani nuk ka provat e nevojshme”, tha fillimisht Rama.
“Dua të përfitoj nga rasti për këtë temë dua të them që më vjen keq dhe i mëshiroj ata që vazhdojnë i bien fyellit në një vrimë që s’ka lidhje me thelbin dhe rezultatin e kësaj nisme. E para çdo problematikë ndryshe nga të tjerat nuk e ngriti politika as media dhe këtë problematikë nuk e ngriti as policia por e ngritëm ne si problematikë për një arsye të thjeshtë sepse asnjë nga ata që përfitojnë metra katror për arsye fitimi. Drejtësia duhet të ngrihet në nivelin e Prokurorisë, rezultatet do t’i shikoni. Subjektet e kuptuan dhe gradualisht po dorëzohen dhe nuk po gjejnë mbështetjen nga askush, as nga prokurorët e korruptuar që deri tani i mbanin me bakshishe. Ne kemi bërë një reformë për të pastruar prokurorët e korruptuar të cilët fuqia e tyre u ka mbaruar. Pronarët e këtyre subjekteve pa leje duhet t’i dhurojnë ose ti blenë me një çmim e cila e bën krejtësisht të pa arsyeshme ndërtimin e metrave katror për qëllimi konfiskimi”, tha Rama.
