Sekretari Organizativ i Partisë së Lirisë, Endrit Braimllari ka sjellë edhe njëherë në vëmendje largimin e shqiptarëve drejt vendeve të Bashkimit Europian.
Duke përmendur shifrat e Eurostat, të cilat tregojnë mbi 10 mijë kërkesa për azil, Braimllari shkruan në fb, se shkak për këtë braktisje është keqqeverisja e vendit.
‘Keqqeverisja e rilindjes ka bërë që shqiptarët të humbasin besimin se mund ta ndërtojnë jetën në vendin e tyre’
Por sipas Braimllarit akoma më shqetësues është fakti se në këto shifra nuk përfshihet numri i shqiptarëve që shkojnë drejt Britanisë së Madhe.
‘Akoma më shqetësues është fakti se në këto shifra nuk përfshihet numri i shqiptarëve që shkojnë drejt Britanisë së Madhe, ku këtë vit janë regjistruar afro 4700 qytetarë shqiptarë që kanë hyrë në mënyrë të paligjshme dhe janë regjistruar për azil.’
Sekretari Organizatin i PL-së e mbyll postimin e tij duke shkruar se për t’i kthyer shpresën shqiptarëve është rikthimi i llogaridhënies.
‘Ndaj për t’i kthyer shqiptarëve shpresën duhet të largojmë qeverinë dhe të rikthejmë llogaridhënien.’
Postimi i plotë i Endrit Braimllarit:
