Kukësi njofton se ka arritur marrëveshjen me Abdou M’Bark. 23 vjeçari luan në mesin e fushës dhe ka firmosur deri në 2025. Lojtari nga Mauritania do jetë një opsion më shumë në mesfushën e verilindorëve, me trajnerin Enkeleid Dobi që do e ketë të gatshëm në stërvitjen e pasdites.
Vonesat me vizën kanë bërë që M’Bark El Id të mbërrijë vetëm sot në Tiranë, për të firmosur kontratën. Më herët 23 vjeçari ka luajtur në klube si Concorde dhe Nuadhibou në kampionatin e Mauritanisë dhe te Numancia B në Spanjë.
Njoftimi:
Futboll Klub Kukesi njofton se mesfushori Abdou M’Bark El Id është zyrtarisht futbollist i skuadrës sonë! Futbollisti 23-vjeçar ka firmosur ditën e sotme me klubin një kontratë deri në verën e vitit 2025 duke u bërë kështu futbollisti më i ri në skuadër.
Mesfushori nga Maurtiania ka firmosur me ekipin tonë në merkaton e verës, por vonesat me vizën kanë bërë që futbollisti të bashkohet me vonesë me ekipin. M’Bark është aktivizuar me ekipe si Concorde dhe Nuadhibou në kampionatin e tij dhe ne Numancia B në Spanjë.
Klubi i Kukësit i uron mirëseardhje mesfushorit M’Bark dhe shumë suksese me fanellën e skuadrës sonë. Ëelcome Filip
Skeda e Lojtarit:
Emri: Abdou M’Bark El Id
Mosha: 23 vjeç
Kombësia: Mauritania
Gjatësia: 1.89 m
Pozicioni: Mesfushor
