Një shtetas shqiptar është qëlluar me armë zjarri nga një oficere policie në Athinë.
Mësohet se shqiptari ishte përplasur fizikisht me oficeren gjatë një aksioni policor në orën 06:00 të mëngjesit.
Mediat e huaja shkruajnë se oficerja e ka qëlluar shqiptarin për vetëmbrojtje.
Siç raportojnë mediet greke gjithçka nisi sot në kuadër të operacionit policorë të policisë së Atikës, në Universitetin e Teknologjisë Zografou, e cila kontrolloi kampusin universitar të Athinës pas dyshimeve se aty fshiheshin grabitës dhe shpërndarës droge.
Gjatë operacionit, një punonjëse policie 35-vjeçare është ndjerë keq dhe është larguar. Por, teksa efektivja largohej, 30-vjeçari është afruar dhe e ka sulmuar me kaçavidë. Policja greke është kundërpërgjigjur duke e qëlluar me armë zjarri në këmbë shqiptarin. Ndaj 30-vjeçarit rezulton të jenë lëshuar 4 urdhërarreste për vepra të ndryshme penale si vjedhje, armëmbajtje pa leje dhe trafik droge.
Njoftimi:
Një operacion i gjerë policor ka nisur prej orës 06:00 të mëngjesit në kampusin Zografou dhe në veçanti në Rezidencën Studentore, në prani të Prokurorit, në lidhje me kontrollet në banesa të dyshuara për veprimtari kriminale. Operacioni po kryhet për shkak se “Hostel Studenti” përdoret si bazë dhe strehë nga kriminelët, me aktivitet veçanërisht në grabitje dhe trafik droge, në zonën e gjerë të Zografou, Kaisariani, Bajron dhe Athinë.
Gjatë operacionit, një punonjëse policie 35-vjeçare është ndjerë keq dhe është larguar. Gjatë largimit, ajo është sulmuar nga një shqiptar 30-vjeçar, të cilin e ka plagosur duke përdorur armën e shërbimit. Ndaj 30-vjeçarit janë në pritje katër urdhër-arreste për vjedhje, armë dhe drogë. I lënduari është dërguar në Kryqin e Kuq dhe po trajtohet me ndihmë mjekësore. Oficerja e policisë u transferua në Spitalin e Përgjithshëm Ushtarak 401 të Athinës. Në operacion marrin pjesë 6 ekipe të OPKE-së, 4 ekipe të EKAM-it, ekipe të Drejtorisë së Sigurisë së Atikës, Drejtorisë së të Huajve Atikë dhe Nëndrejtorit të Prokurorisë së Narkotikëve.
