Deputeti i PD Ervin Salianji ka dalë në një deklaratë për mediat nga Sheshi Skënderbej për të denoncuar standartin e dyfishtë të qeverisë me qytetarët dhe biznesmenët që ndërtojnë kullat pa leje në mes të Tiranës.
Salianji ka denoncuar ngritjen e disa kateve shtesë pa leje në një ndërtim pranë rrugës së Durrësit në kryeqytet.
“Shikojeni pak përballë institucioneve më të rëndësishme, këtu kalojnë drejtuesit e policisë, ndodhet bashkia, selia e PS, leja e miratuar nga Rama, 26 kate.
Të gjithë e shikoni që ky ndërtim ka shkuar thuajse 40 kate.
Pra qytetarët e pamundur përfundojnë në burg, cfarëdo lloj ndërtimi të bëjnë, a ka mundësi që ky ndërtim në mes të Tiranës që tregon pangopshmërinë jo vetëm të pushtetit por dhe këtyre që marrin leje, të bëhet pa bekimin e qeverisë?
Sot po e pyes a e ka referuar në prokurori policia apo ikmt këtë ndërtim? Si tek ky ndërtim, do jem në ndërtesa të tjera në përbindësha betoni që jo vetëm i kanë marrë hapësirat qytetarëve të Tiranës, por kanë marrë dhe shtetin në kontroll duke ndërtuar në vendet më të shtrenjta si të duan.
Këto ndërtime duhet të ishim me miliarda euro gjoba e ndërtuesit e këtij ndërtimi duhet të përballej me burgun. Qeveria e ka mbyllur gojën se nuk ka asnjë përgjigje, nuk ka cfarë thotë në lidhje me dy standartet e zbatimit të ligjit. Do denoncojmë të tjera raste ku qeveria favorizon”, tha Salianji.
