Bora Zemani dhe Donald Veshaj kanë konfirmuar zyrtarisht lidhjen. Moderatorja ka postuar në Instagram një foto, ku shfaqen nga emisioni i aktorit dhe ka shkruar: “Na lini te kercejme!”.
Ndërkohë është publikuar edhe promoja e intervistës së moderatores nga vëllezërit Veshaj.
Duket se Bora ka folur për gjithçka, duke u ndalur veçanërisht te raporti me Donaldin. Madje, kur bëhet fjalë për vështirësitë në çift, ky i fundit në një moment shprehet: “Më shumë ziheshim se loznim, më shumë ziheshim se flisnim, një fjalë të mirë nuk ia thonim njëri-tjetrit”.
Sa i përket ribashkimit, aktori ka zbuluar se ka qenë ai që e ka marrë hapin e parë duke i shkruar Borës.
