Janë publikuar pamjet e kamerave të sigurisë që kanë regjistruar të gjithë skenën e zjarrvënies së mjetit tip furgon, në pronësi të shtetasit Renato Torollari.
Policia më herët njoftoi se ngjarja ka ndodhur rreth orës 03:00 të mëngjesit të sotëm në lagjen nr.17 të Korçës.
Furgoni përdorej për transport udhëtarësh dhe i përket firmës “Morava 93”, ndërsa nga burime mësohet se zjarrvënia është e qëllimshme.
Ndërkohë, nga pamjet e kamerave të sigurisë shihet se pranë furgonit që ishte parkuar në afërsi të banesës së Torollarit, një person i veshur me të zeza është afruar duke i vendosur zjarrin.
Ai më pas shihet duke u larguar me një automjet ngjyrë gri.
Sa i përket pronarit të mjetit, ai nuk deklaron të jetë përfshirë në ndonjë konflikt apo problem, por pretendon se zjarrvënia e qëllimshme mund të ketë ndodhur për shkak të konkurrencës.
Ndërkaq, policia ka sekuestruar kamerat e sigurisë dhe po punon për të identifikuar personin që shfaqet në video.
