Zbardhen detaje nga dosja e Prokurorisë për hetimin ndaj mjekëve të spitalit të Traumës që akuzohen për shpërdorim detyre dhe marrje ryshfeti.
Në hetimin e Prokurorisë për mjekun Fitim Marku i cili u arrestua të shtunën e kaluar nga policia thuhet se ai i vendoste çmim pacientëve për shërbimin që u ofronte.
Më 23 Shtator, Fitim Marku del në përgjime duke biseduar me një agjentin e infiltruar që çoi në arrestimin e tij, të cilit i kërkon 10 mijë lekë për skanerin. Ai thotë se paratë i ndan edhe me pjesën tjetër të kolegëve në spital duke zbuluar skemën e korrupsionit në radhët e bluzave të bardha.
Ditën e sotme do të mbahet masa e sigurisë ndaj mjekut Fitim Marku i cili ditën e sotme ka pasur probleme shëndetësore dhe është shtruar në spital.
Pjesë e bisedës nga përgjimet:
Mjeku: Kur të mbarosh skanerin pastaj flasim bashkë mirë?
Pacienti: Vetëm me ty?
Mjeku: Po do flasim pastaj… Më merr në telefon kur të mbarosh dhe më prit mua aty.
Shënim: Vjen infermierja dhe e çon në dhomën ku do bëj skanerin. E shtrin dhe i jep udhëzime se si duhet të pozicionohet gjatë bërjes së skanerit.
Infermierja: Ç’a të tha doktori?
Pacienti: Kur të mbaroj ta marr në telefon.
Infermierja: Ok, mirë.
Pacienti: Tani të flas me atë apo me ju?
Infermierja: Ça të ka thënë doktori (Qesh)
Pacienti: Më thuj ku ta pres këtu apo jashtë?
Infermierja: Aty jashtë në koridor.
Pacienti: Ok.
Shënim: Del në korridor dhe ndërkohë vjen doktori.
Pacienti: Më tha ajo që të prisja këtu në korridor.
Mjeku: Ok më thuaj, si e ke mundësinë tani?
Pacienti: Më thuaj or burrë, më thuaj.
Mjeku: Po ja se këtu është plot me njerëz.
Pacienti: Po sa?
Mjeku: Po ja, njëqindëshe.
Pacienti: 100 mijë lekë?
Mjeku: Po.
Pacienti: Ok.
Mjeku: Se këto i ndajmë me të tjerat.
Pacienti: Ato janë punën tuaja. Për sa e marr diskun? Sa vonon?
Mjeku: Ja sa ta bëj gati, ta sjell unë jashtë.
Pacienti: Ok.
