Kombëtarja shqiptare e futbollit luan nesër në 20:45 me Islandën në Air Albania. Sfida vlen për Ligën e Kombeve në zonën B të këtij turneu.
Në këtë duel, kuqezinjtë do i arbitrojë spanjolli Ricardo de Burgos. Ndërkombëtari do ketë ndihmën e bashkëkombasve të tij de Francisco, Jon Nunez, Gonzales Fuertes. Në VAR do jenë Fernandez dhe Jose Gonzales.
Arbitri kryesor Burgos (36 vjeç ) që prej vitit 2018 ka marrë stemën e FIFA-s. Një arbitër me një CV të pasur, teksa mjafton të shohësh 135 ndeshje që ka arbitruar në La Liga, pa harruar edhe finalen e Superkupës së Spanjës në vitin 2017 mes Barcelonës dhe Real Madrid.
Kujtojmë se kuqezinjtë e pësuan dy ditë më parë në Izrael 2-1, teksa në tre ndeshje kemi grumbulluar vetëm një pikë, duke mos pasur asnjë shans për një ligë më sipër.
