“150 mijë lekë pensioni!!! Mendon njeri?! Jo!” – Ky është konkluzioni që nxjerr me trishtim, ky pensionist nga Tepelena, tek sheh si po rriten çmimet dhe dimri po afron bashkë me ankthin e rritjes së çmimit të energjisë.
Ai është një ndër ata mijëra në vend që dalin herët në mëngjes nga shtëpia dhe këmbejnë dy fjalë në kafet e lagjes me njeri-tjetrin. Asnjë nuk ka që t’i dëgjojë shqetësimet e tyre, përveç shokut përballë që ka të njëjtin shqetësim me ta.
Në një prononcim per Syri TV, i moshuari nuk mori pozën e zakonshme të atyre që flasin përballë qeveritarëve, si përballë Kryeministrit apo kryebashkiakut Erion Veliaj në Tiranë, por foli si më i thjeshti dhe më i pazëshmi qytetar i Shqipërisë i mbytur nga hallet.
“Mos na e zgjasni shumë, se aq na kanë mërzitur këta sa themi: O Perëndi, pse nuk na merr?! – tha ai – Thuhet se mbase ka parajsë atje dhe vemë në parajsë, se këtu më tmer e më nuk ka! Nuk ka më tmerr: me 150 mijë lekë!
Më thotë gruaja “vajti djathi me 8 mijë lekë, vajti mishi me 12 mijë lekë”. Kishin vajtur domatet me 1200 a 1300 lekë! Çfarë të përballojmë?!
Ja, sa e pagoi shoku ynë qeranë, vajti e pagoi ujin e dritat. “Më vajtën – tha – nja 70 mijë lekë. Po bëj hesap qysh do t’ia bëj në dimër, se tani që pjekim ndonjë gjë, ndonjë lavatrice me kursim e vajtën aq. Po në dimër, 70 mijë lekë që paguaj unë janë gjysma e pensionit.”
150 mijë lekë pensioni!!! Mendon njeri?! Jo! Nga të gjithë propozime dhe që kur fillojnë këto aktivitetet e partive, këta katër vjet për partitë bëjnë, Nuk thonë janë pa ngrenë, janë pa punë, që po ikën rinia.. . U katandis! Edhe lufta nuk e bëri kështu Shqipërinë, të ikë e gjitha. Ka ikur e gjithë rinia.
Ja, pesë pleq kemi mbetur ne këtu. Tashti, do të mbahet vendi me ne?! Po ikni juve që do derdhni kontribut, se do vijë një ditë do plakesh. Po me atë kontributin tënd, do të marrë unë sot. Po nesër për ty kush do të paguajë?! Iku rinia, “u tha” vendi!”, tha qytetari.
