Edhe pse grupi që ka marrë përsipër sulmet kibernetike publikoi dokumente të klasifikuara si “sekret”, kryeministri Edi Rama thotë se ato janë “jo me ndonjë rëndësi të veçantë”.
“Në bazë të hetimeve, shkalla e sulmit ishte e tillë që synimi pas tij ishte shkatërrimi i plotë i infrastrukturës sonë dhe në të njëjtën kohë, zhdukja e të gjitha të dhënave tona. Ata nuk ia dolën të shkatërrojnë infrastrukturën. Shërbimet janë kthyer. Së dyti, të dhënat. Po, ata morën disa, por praktikisht jo me ndonjë rëndësi të veçantë”, citohet Rama në një intervistë për “washingtonpost”.
Shqipëria nuk kishte një marrëdhënie kuptimplotë me Iranin, tha Rama, ndaj shkëputja me ta nuk ishte një humbje e madhe, shtoi.
Grupi “HomeLand Justice” që ka marrë përsipër sulmet kibernetike, ka publikuar dokumente të institucioneve shqiptare, shumë prej tyre të klasifikuara edhe si “sekret”.
E ndërsa kreu i qeverisë Edi Rama thotë se të dhënat e marra gjatë hakërrimit janë jo me ndonjë rëndësi të veçantë, nga ana tjetër, prokuroria e Tiranës publikoi një urdhër-ndalimi për publikimin e këtyre dokumenteve.
Ndryshe nga Rama, sipas akuzës, “postimi i këtyre të dhënave sekrete cënon Sigurinë Kombëtare”.
Sulmet kibernetike sollën ndërprerje të shërbimeve dhe radhë të gjata pritjeje në pikat kufitare për shumë qytetarët.
Nga ana tjetër, opozita thotë se pasojat e sulmeve kibernetike janë shumë herë më të rëndë se sa deklaron qeveria. Pak ditë më parë, kryetari i PD-së Sali Berisha deklaroi se “sistemet e policisë janë shkatërruar.
