Policia në Korçë ka arrestuar këtë të Hënë për veprën penale “Drejtimi i automjeteve në mënyrë të parregullt”, dy persona, Feridon Likaj dhe Bilken Malelli.
Likaj 53 vjeç, banues në Pogradec, u vu në pranga pasi u kap në rrugën Qafë Plloçë-Pogradec, pranë fshatit Buçimas, duke drejtuar pa leje një motoçikletë tip “Suzuki”, pa targa dhe pa dokumentacionin përkatës.
Kurse Malelli, 29 vjeç, banues në fshatin Zvezdë, Maliq, është arrestuar nga policia pasi u kap në aksin Korçë-Dishnicë, duke drejtuar automjetin tip “Benz”, në gjendje të dehur.
Lidhu me ngjarjet e mësipërme policia njofton se materialet i kaluan Prokurorive të Rretheve Gjyqësore Pogradec dhe Korçë, për veprime të mëtejshme.
