Një 17-vjeçar shqiptar është goditur me thikë në Firence nga persona ende të paidentifikuar.
Policia bën të ditur se 17-vjeçari po kthehej nga një shëtitje mbrëmjen e së premtes kur u përball me dy persona të panjohur në lagjen Rifredi.
Të dy e goditën me thikë fillimisht në këmbë, pastaj në gjoks për t’i marrë portofolin dhe disa sende të tjera personale. 17-vjeçari i plagosur arriti të merrte në telefon urgjencën e spitalit Careggi.
Djali flet vetëm shqip dhe për këtë arsye ishte e vështirë të rindërtoheshin faktet dhe të identifikohej pika e sulmit.
