Një foshnjë 4-muajshe është shtruar në gjendje shumë të rëndë në spitalin e fëmijëve në Greqi.
Kur foshnja mbërriti në spital dhe u kontrollua nga mjekët, u pa e nevojshme intubimi i tij dhe më pas transferimi në spitalin e Athinës.
Mjekët kanë njoftuar policinë pasi kanë zbuluar se fëmija vuante nga sindroma e lëkundjeve dhe kishte të nxira në trup.
Babai 20-vjeçar i fëmijës, shtetas shqiptar, ka udhëtuar me foshnjën drejt Athinës, por pak më pas është arrestuar nga autoritetet.
Ai ndodhet aktualisht në policinë e Mesinisë, pasi ndaj tij është ngritur një çështje për dhunë në familje dhe nesër paradite pritet të dalë në prokurorinë e Qiparisisë.
