Kapiteni i Kombëtares, Elseid Hysaj, u shfaq i revoltuar pas humbjes që Shqipëria pësoi ndaj Izraelit. Në prononcimin pas ndeshjes, ai u shpreh se te ky grup mungon agresiviteti dhe shpirti luftarak.
“Unë e ndjej veten më mirë djathtas. Por kur trajneri më kërkon të luaj majtas, përpiqem të jap maksimumin. Në Kombëtare na duhet një si Andi Lila, me agresivitetin e vetë. Mungon motivimi dhe bëjmë gabime individuale.
Nuk shikoj shpirtin që kemi pasur dikur. Nuk e di çfarë ka ndodhur. Evoluimi i futbollit po i qetëson lojtarët e rinj. Ne kur kemi ardhur në Kombëtare, kemi dhënë gjithmonë maksimumin. Duhet të analizojmë ndeshjen, gjithë lojtarët gabojmë, por nuk duhet të hamë të tillë golash. Nuk po e gjej përgjigjen se pse po ndodh kjo situatë”, u shpreh Hysaj.
