Shqipëria është gati. Kuqezinjtë prej ditës së djeshme kanë zbarkuar në Tel Aviv dhe sonte në orën 20:45 do të përballen me Izraelin në duelin e Nations League. Trajneri Edy Reja është dashur të përballet me mungesa dhe ka pasur disa dilema.
Panorama Sport së fundmi ka publikuar një formacion të mundshëm, i ndryshëm nga ai që pritej nisur nga seancat stërvitore. Thomas Strakosha do të jetë në portë.
Në prapavijë Reja kishte dilemë për partnerin e Ismajlit dhe do jetë Ajeti, jo Veseli. Balliu e Hysaj priten titullarë nga krahët. Në mesfushë tekniku italian preferon Qazim Laçin, Amir Abrashin dhe Klaus Gjasulën.
Shqipëria, formacioni i mundshëm (4-3-1-2): Strakosha – Balliu, Ismajli, Ajeti, Hysaj – Laçi, Gjasula, Abrashi – Asllani – Broja, Cikalleshi
