Drejtori i përfaqësueses së Zvicrës, Pierluigi Tami ka kërkuar nga Granit Xhaka dhe Xherdan Shaqiri të helvetikëve që të mos festojnë me shqiponjë në Botëror, gjatë përballjes me kombëtaren serbe.
“Botërori nuk përbëhet vetëm nga ndeshja me Serbinë, edhe nëse e dimë se sa e veçantë është kjo ndeshje, duke pasur parasysh atë që ndodhi në vitin 2018. Ne nuk duam të bëjmë të njëjtat gabime, ne jemi këtu për të luajtur futboll dhe asgjë tjetër. Ne nuk duam të dërgojmë asnjë mesazh politik apo fetar. Ne duam të përfaqësojmë vlerat tona. Njëra prej tyre është respekti. Ne tregojmë respekt për opinionet e tjera. Për mua do të ishte gabim nëse do të provokonim dikë me një gjest, pavarësisht lojës,” përfundon drejtori i përfaqësueses së Zvicrës, Tami.
Siç duket zyrtarët e Zvicrës po “pengojnë” çunat të festojnë me Shqiponjë, por a do jenë në gjendja ta respektojnë ketë kërkesë Xhaka e Shaqiri?
