I ftuar në Edicionin e Pasdites në SYRI TV, avokati i institucionin arsimor ‘Mehmet Akif Ersoy’, Isuf Shehu ka folur për mbylljen e aktivitetit të kësaj shkolle dhe kopshi nga qeveria e Edi Ramës.
Shehu ka theksuar se institucioni ka përgatitur një mbrojtje të plotë dhe se të gjitha hapat e ndjekura nga janë ligjore nga ana e shkollës.
Sipas avokatit, Rama nuk e ka parë dhe nuk e ka analizuar në detaje të gjitha këto problematika, por për atë pak rëndësi ka se mbyllet një shkollë.
Shehu: Ne kemi përgatitur një mbrojtje të plotë për këtë problem. Të gjitha ato që thotë kryeministri Edi Rama janë të shpejguara dhe të miratuara nga institucionet përkatëse dhe kam përshtypjen se kryeministri ndryshe nga ne nuk është në dijeni të të gjitha këtyre të dhënave. Nuk e ka parë dhe nuk e ka analizuar në detaje të gjitha këto problematika. Për atë pak rëndësi ka se mbyllet një shkollë. Për prindërit dhe nxënësit që kanë studiuar më parë në këtë shkollë kjo është një gjë shumë herë më shumë se një shkollë, është historia e tyre është jeta e tyre është vetëmohimi i tyre dhe në fund është ajo që ata mendojnë besojnë dhe gjykojnë.
Të gjitha hapat janë ligjore. Shtysa se përse ka vepruar kryeministri në këtë mënyrë ne në këtë pikë nuk e identifikojmë dot. Objekti i gjithë këtij veprimi është ligjshëmria dhe kundërligjshmëria.
