Eksperti i çështjeve të energjisë, Eduard Elezi, komentoi në edicionin e pasdites në Syri Tv rritjen e çmimit të energjisë elektrike.
Elezi deklaroi se vendimi i marrë nga qeveria është i paligjshmëm. Për t’i dhënë legjitimitet paligjshmërisë, Elezi tha se kanë bërë një kërkesë për ndryshimin e tarifave.
“FSHU është segmenti i fundit që shërben për konsumatorët tariforë. Aplikimi i FSHU, janë disa tabela që kërkojnë rritjen e energjisë. ERE duhet t’i bëjë publike aplikimet e kompanive.
Duhet të ketë seanca publike me grupet e interesit lidhur me aplikimet që kanë paraqitur kompanitë.
Mbledhja e bordit është paligjshmëri totale në çdo diskutim që bëhet aty. Ata nuk e kanë të saktë sa është prodhimi vendas dhe sa import ka marrë.
Ka shumë kalkulime Enti Rregullator, ka shumë analiza që kostot që i bëjnë për abuzime apo vjedhje, nuk mund të mbulohen në këtë formë mbledhjesh të cilat janë të paligjshme.
Realizohet një vepër penale duke mbuluar vjedhjet dhe keqmenaxhimin në sektorin e energjisë elektrike.“-deklaroi Elezi.
Sipas ekspertit, abuzimet e qeverisë duhen ndaluar duke refuzuar faturat qytetarët.
“Tarifat e qeverisë janë të paligjshme. Qytetarët të ndërgjegjësohen dhe të refuzojnë paligjshmërinë dhe koston e rënduar në xhepat e tyre. Kosto që s’duhet të ishte reflektuar tek konsumatori dhe biznesi shqiptar.”-tha Elezi.
