Një makinë ka shpërthyer në flakë në ecje e sipër në lagjen “Granicë” të Gjirokastrës.
Policia bën me dije se makina është shkrumbuar plotësisht por për fatin e mirë nuk ka pasur persona të lënduar. Dyshohet se shkak i shpërthimit të zjarrit është një defekt teknik.
“Rreth orës 16:02, në lagjen “Granicë”, Gjirokastër, në ecje e sipër ka marrë flakë dhe është djegur pjesërisht automjeti tip “Volvo”, i cili drejtohej nga shtetasi Gj. K., 58 vjeç, banues në Gjirokastër. Nuk ka dëme në njerëz. Nga veprimet e para hetimore dyshohet se zjarri është shkaktuar aksidentalisht”, njofton policia.
Në vendngjarje ndodhet grupi hetimor dhe po punon për sqarimin e rrethanave të situatës.
