Një 26-vjeçar është arrestuar nga policia pasi ka vjedhur së bashku me një 16-vjeçar vegla pune në një repart zdrukthëtarie.
“Specialistët për Hetimin e Krimeve të Komisariatit të Policisë Nr. 5 arrestuan në flagrancë shtetasit: F. H., 26 vjeç, banues në Tiranë, për veprën penale “Vjedhja”, kryer në bashkëpunim; V. M., 50 vjeç, banues në Tiranë, për veprën penale “Përvetësimi i parave ose mallrave që rrjedhin nga vepra penale ose veprimtaria kriminale”, i dënuar më parë për vrasje”, njofton policia.
Blutë bëjnë me dije se 26-vjeçari në bashkëpunim me një 16-vjeçar, ka vjedhur vegla pune elektrike, të cilat më pas ia ka shitur shtetasit V. M.
Në cilësinë e provës materiale u sekuestruan veglat elektrike të vjedhura, ndërkaq materialet i kaluan Prokurorisë, për veprime të mëtejshme procedurale.
