Një ngjarje e frikshme ka ndodhur gjatë një shfaqje në një cirk në Rusi, ku një 26-vjeçare nuk arriti që të kapte dorën e bashkëshortit teksa po performonte në ajër.
Tatyana Zolotukhina nuk mundi që të kapte dorën e Sergey Zolotukhin dhe ra nga një lartësi e madhe duke u përplasur në tokë. I gjithë momenti i tmerrshëm ndodhi në sy të qindra fëmijëve dhe prindërve të tyre.
“Daily Mail” shkruan se pati britma dhe më pas heshtje në cirkun e Omsk. Burri i saj dhe staf nxitoi që t’i shkonte në ndihmë dhe të kontrollonte gjendjen e saj.
26-vjeçarja u dërgua me urgjencë në spital, ku iu nënshtrua një MRI.
Drejtori i Pi Përgjithshëm i Cirkut të Madh Shtetëror të Moskës, Edgard Zapashny, ka thënë: “Tatyana ra nga lartësia prej pesë metrash duke kryer një truk të ndërlikuar dhe të rrezikshëm. Ajo ka një frakturë të kyçit të dorës dhe ndoshta një frakturë kompresionuese të shtyllës kurrizore. Artistja është e vetëdijshme dhe po lëviz në mënyrë të pavarur”.
