Një shqiptar ka rënë në prangat e policisë italiane pasi është i janë gjetur njëmbëdhjetë gram kokainë dhe tetë kilogram marijuana, të dielën e 18 shtatorit nga karabinierët e komandës provinciale të Perugias.
Mediat e huaja shkruajnë se nëse droga e sekuestruar nëse do të dilte ne treg do të kishte një vlerë prej 60 mijë eurosh.
Si ndodhi ngjarja?
Të dielën pasdite, siç njofton komanda provinciale e Perugias, ushtria bllokoi një automjet pas një ndjekjeje të shkurtër,
Në makinë ndodheshin 2 persona, njëri prej të cilëve (shqiptari) u shfaq mjaft nervoz.
Gjatë kontrollit iu gjet 11 gram kokainë të cilën e kishte fshehur në pantallona dhe 1300 euro cash.
“Kërkimi, shpjegojnë karabinierët, bëri të mundur edhe gjetjen e dy palë çelësave që i atribuohen 2 shtëpive.”
Në shtëpinë e parë, ku shqiptari jetonte me gruan, hetuesit zbuluan para të tjera të fshehura në mobiljet e dhomës së ndenjes dhe një bllok me të gjitha aktivitetet e shitjes me pakicë të drogës, sipas mediave italiane.
Në shtëpinë e dytë, të pabanuar, por të përdorur si laborator, ruhej një sasi prej rreth 8 kilogramësh marijuanë, tashmë e ndarë në pako dhe e destinuar për tregun. Droga me pakicë do të kishte dhënë rreth 60,000 €.
Shqiptari, i dëbuar i dëbuar nga territori italian me ndalim të rihyrjes deri në vitin 2031, tani ndodhet në burgun e Perugias.
