Transgjinori David Cuka, i ftuar në “Jeto me Orën” në RTV ORA, tregoi për ndërhyrjet që ka bërë në trupin e tij. Ai ka hequr gjoksin ndërsa thotë se ndërhyrjet përfundimtare do ti bëjë jashtë.
“Eleminova gjoksin. Pjesën hormonale nuk e kam nisur ende pasi në Shqipëri nuk është e mundur. Unë mund ta bëj tranzicionin, dua ta bëj të plotë, do ti realizoj jashtë.”
Fotografi ndau pasionin e tij për fotografinë dhe planet për të ardhmen. Një nga projektet me të cilat po merret është realizimi i 999 fotove. Ai tregoi dhe arsyen pse ka vendosur të realizojë këtë numër fotografish.
“Fotografinë e kam nisur në 2016 ndërsa projektin në 2019. Një vajzë erdhi të më tha kam ardhur vetëm të pyes pse 999 foto dhe tha do të iki. Është numër dokumentues që mund të përfshijë këdo si dhe është një numër që do të ngelet në memorie. Kam arritur të realizoj 891.”- tha ai.
