Trajneri i Dinamos, Nevil Dede, pas fitores së thellë 5-0 ndaj Burrelit foli për mediat duke u shprehur i kënaqur për rezultatin e skuadrës.
Dede deklaroi se gara për tu ngjitur në Kategorinë Superiore do të jetë e fortë, ndërsa se premtoi se niveli I skuadrës do të vijë duke u rritur.
Ndeshja? E patëm gjithë ndeshjen në kontroll dhe u munduam të shënonim shpejt, skuadra u përgjigj dhe ishte një ditë e mirë, ato nuk na vunë në vështirësi dhe e menaxhuam takimin me qetësi. Krijuam shumë raste dhe ne realizuam e më pas vijuam të kontrollonim lojën. Burreli nuk na vendosi shumë në vështirësi dhe kjo ndikoj dhe te rezultati.
Rivali? Është e vërtetë dhë janë disa ekipe që kanë histori më të madhe. Kemi shumë së fundmi Skënderbeu dhe të tjerë si Lushnja. Në do qëndrojmë me këmbë në tokë dhe do të tregojmë forcën tonë.
Loja? Jam shumë i kënaqur me këtë lojë që po zhvillojmë dhe të tregojmë të vërtetën në fushë vetëm me rezultate do jemi në fokus dhe të përqëndruar.
Kategoria? Është një kategori që nuk është e lehtë të fitosh jashtë. Do bëjmë punën tonë dhe do t’i marrim ndeshjet me radhë.
