Kryetari i Partisë së Lirisë, Ilir Meta ka reaguar pas situatës së përmbytjeve në Tropojë.
Uji ka vërshuar në disa zona dhe janë përmbytur sipërfaqe me tokë bujqësore dhe shtëpi banimi.
Ish-presidenti Ilir Meta e quan kritike situatën dhe i bën thirrje qeverisë qendrore dhe asaj vendore t’u vijnë në ndihmë qytetarëve.
“Solidaritet me banorët e Tropojës në këto momente kritike të përmbytjes! U bëj thirrje të gjithë institucioneve përgjegjëse të reagojnë menjëherë në ndihmë”, shkruan ai në një postim në FB.
