Miftar Troci, 31 vjeç, është arrestuar nga policia e Dibrës këtë të Shtunë.
Troci akuzohet për veprën penale “Mbajtja pa leje e armëve, armëve shpërthyese dhe municionit”.
Policia bëhet me dije se në banesën e Trocit janë gjetur e sekuestruar dy armë zjarri kallashnikov dhe një sasi municioni luftarak.
“Zbulohet një banesë që përdorej nga 31-vjeçari për të fshehur sende të kundraligjshme. Si rezultat i kontrollit u gjetën dhe u sekuestruan dy armë zjarri kallashnikov dhe një sasi municioni luftarak, në një banesë në fshatin Zall-Reç, që shtetasi M. T., e përdorte për të fshehur sende të kundraligjshme. Në përfundim të veprimeve të para hetimore u arrestimi në flagrancë i shtetasit M.T., 31 vjeç, banues në Zall-Reç, Dibër, për veprën penale “Mbajtja pa leje e armëve, armëve shpërthyese dhe municionit””, njofton policia.
Materialet i kaluan Prokurorisë, për veprime të mëtejshme.
