Roma ka triumfuar me rezultatin 3-0 Helsinki në sfidën e dytë të fazës së grupeve në Europa League.
Sulmuesi Paulo Dybala është kthyer në lojtarin e momentit, pasi në fillimin e pjesës së dytë ai zgjidhi këtë përballje.
Në topin e parë që i erdhi në këmbë, Dybala e dërgoi në rrjetë duke kaluar Romën në avantazh. Tre minuta më pas, në minutën e 49-të, Pellegrini dyfishoi rezultatin. Në të 68-tën ishte Belotti që sigloi shifrat përfundimtare në 3-0, për sulmuesin “azzurr” ky ishte goli i tij i parë me fanellën e Romës.
Kjo ishte një fitore e veçantë për Jose Mourinho, fitorja e tij e 106 në Evropë, duke kapur në majë Ferguson, si trajneri më fitues në Evropë.
