Prokurori i përgjithshëm i Republikës së vetëshpallur Popullore të Luhansk (LPR) të mbështetur nga Rusia në Ukrainën lindore është vrarë.
Agjencia ruse e lajmeve Interfax, duke cituar shërbimet e urgjencës, njoftoi se ai u vra nga një shpërthim bombe të premten.
Sipas mediave vendase mësohet se shpërthimi ndodhi në zyrën e Prokurorit të Përgjithshëm, Sergey Gorenko, i cili si pasojë humbi jetën.
40-veçari humbi jetën menjëherë, ndërkohë në rrjet po qarkullojnë video nga vendi i ngjarjes ku shihet se si ndërtesa është përfshirën nga tymi si pasojë e sulmit terrorist. Bëhet me dije se dhe një person tjetër ka mbetur i plagosur.
