Lionel Messi arriti të shënonte golin e barazimit për PSG-në në ndeshjen e dytë të grupeve të Champions League kundër Maccabi Haifa në Izrael.
Me këtë gol, Messi ka thyer rekordin e Ronaldos, i cili këtë sezon nuk luan në Champions League, pasi Manchester United nuk ia doli dot të siguronte një vend në këtë kompeticion.
Katalanasi kishte kaluar 9 muaj pa shënuar në Champions League, dhe goli i fundit ishte më 7 dhjetor kundër Bruges, takim që u fitua 4-1 nga parisienët dhe argjentinasi shënoi në minutën e 76-të të takimit.
Messi arriti të thyejë rekordin e shënimit të golave kundër 39 skuadrave të ndryshme, ndërsa Ronaldo mbeti pas me 38. Më poshtë vjen Karim Benzema, golashënuesi më i mirë i Real Madridit, me 34.
Si të mos mjaftonte kjo, ai ka shënuar të paktën një gol në Champions League për 18 sezone radhazi. Më poshtë vijnë Benzema (17) dhe CR7 (16).
