Një aksident i rëndë ka ndodhur mesnatën e djeshme në hyrje të qytetit të Beratit.
Raportohet se një automjet tip “Benz” me targa angleze pasi kreu manovra të rrezikshme humbi kontrollin dhe për pasojë përplasi 3 shtetas që ndodheshin në anë të rrugës, përbri mjetit të tyre, tip Fiat Punto, me targa AA 836 AG.
Të plagosurit janë: Blerina Nerjaku, 45-vjeçe, banuese në Shijak, Mersine Nerjaku, 37-vjeçe, banuese në Zvicër dhe Shkëlqim Kapxhiu, 63-vjeç, banues në fshatin Velabisht në Berat. Të plagosurit janë transportuar në Spitalin Rajonal të Beratit, ku ndodhen nën kujdesin e mjekëve ndërsa dy prej tyre po i nënshtrohen ndërhyrjeve kirurgjikale. Gjithashtu bëhet me dije se, tre të plagosurit kanë pësuar dëmtime të shumta por ndodhen jashtë rrezikut për jetën.
Drejtuesi i mjetit që shkaktoi aksidentin, shtetasi L.S, banues në Shkodër, është shoqëruar në polici. Në vendngjarje ka mbërritur policia dhe hetuesit të cilët po zbulojnë shkaqet dhe dinamikën e aksidentit të rëndë.
