Një 43-vjeçar është arrestuar nga policia pasi dyshohet se ka vjedhur një hotel në Sarandë.
“Nga specialistët e Seksionit për Hetimin e Krimeve në Komisariatin e Policisë Sarandë u bë ndalimi i shtetasit G. Xh., 43 vjeç, banues në Sarandë, pasi dyshohet se ka vjedhur një shumë parash, në hotelin e një shtetasi, në lagjen nr.1, Sarandë”, njofton policia.
Po ashtu uniformat blu kanë arrestuar në flagrancë shtetasin R. H., 45 vjeç, banues në Tiranë, pasi u kap duke drejtuar automjetin, në gjendje të dehur.
Materialet për të dyja rastet i kaluan Prokurorisë, për veprime të mëtejshme.
