Djemtë konkurrentë, këtë sezon në “Për’puthen”, për herë të parë do të kenë mundësi të zgjedhin vajzat me të cilat duan të njihen dhe të dalin në takime.
Konkurrenti i parë në Për’puthen është një personal trajner dhe shef prokurimesh. 31-vjeçari nga Tirana është Remil Peqini. Ai tha se i pëlqejnë aventurat në natyrë duke theksuar se po hyn në Për’puthen pasi vajzat janë sfidë më vete.
Arbër Avdyli është një nga djemtë që kanë zgjedhur “Për’puthen” për të gjetur dashurinë. 25-vjeçari ka lindur në Durrës, jeton në Tiranë dhe aktualisht punon si menaxher. Për të hyrë në studio për herë të parë, ishte përgatitur për të qenë sa më i veçantë. Ai mbante veshur këmishën e bardhë dhe kollare, por jo pantallonat. Ai hyri në “Për’puthen” me bokse, lëvizje që tërhoqi menjëherë vëmendjen e vajzave.
Konkurrenti i tretë, Jeroan Jera, vjen nga Tepelena dhe në klipin prezantues guxoi duke kënduar një këngë popullore. 29-vjeçari vjen në “Për’puthen” për të njohur një vajzë më inteligjente dhe më të shkathët se vetja.
Që sot, u panë shkëndijat e para mes konkurrentëve, ndërsa priten me kuriozitet cilat do të jenë zgjedhjet e para të djemve.
