Kryeministri Edi Rama i është përgjigjur akuzave të ngritura nga Partia Demokratike në lidhje me sulmet kibernetike ndaj serverëve të shtetit shqiptar.
Në një deklaratë për media, zëdhënësja e PD, Floriana Garo akuzoi qeverinë për korrupsion në fushën e kibernetikës si dhe paaftësi dhe papërgatitje për mbrojtje në raste sulmesh.
I menjëhershëm ishte reagimi i Edi Ramës i cili gjatë një statusi në rrjetet sociale i quan këto akuza si padije dhe përtaci në fushën ndaj informacionit, ndërsa thotë se “kënaqësia që pjell trillime” tregon për “një ligësi të neveritshme”.
“Kënaqësia që pjell kaq shumë trillime, shpotitje dhe akuza lidhur me sulmet kibernetike nga një shtet agresor, përveçse për padije të thellë mbi fushën e përtaci të madhe ndaj informacionit, flet për një ligësi të neveritshme në raport me vendin e me njerëzit e këtij vendi”, shkruan Rama.
