Detaje të reja kanë dalë ne dritë nga zhdukja e të shumkërkuarit, Ervis Martinaj.
Ish-shefi i policisë Dritan Zagani, i ftuar në emisionin “Shqipëria Live”, tha se dy muaj para se të zhdukej Ervis Martinaj ka dërguar njerëz në Itali për të kontaktuar me një nga kirurgët më të mirë plastikë.
“Pak muaj para se të zhdukej ky person nëpërmjet lidhjeve të tij ka kërkuar të takoj një nga kirurgët plastik më të mirët në Itali. Ka dërguar njerëz që ta sjellin në Shqipëri dhe ky kirurgu është shqiptar. Hetuesit a e kanë shqyrtuar ndonjëherë këtë mundësi? Thuajse dy muaj para se të zhdukej Ervis Martinaj ka ndodhur kjo gjë”, u shpreh Zagani.
Kujtojmë që Ervis Martinaj u denoncua në polici si i zhdukur nga xhaxhi i tij, i cili tha para uniformave blu se familja kishte humbur çdo kontakt me nipin.
Ndërkohë që vetë babai i Martinajt tha pak ditë më parë në media se ka pak shpresa që djali i tij të jetë gjallë.
