Një 21-vjeçar dhe një 29-vjeçar shqiptarë janë arrestuar nga policia italiane me akuzën e trafikut të lëndëve narkotike.
Të dy të pastrehë, u arrestuan në flagrancë pas lëvizjeve të dyshimta të vëna re nga policia e cila vendosi t’i kontrollojë.
Gjatë kontrollit një prej djemve ka tentuar të fshehë një zarf të mbyllur, në të cilën u gjet 1 gram kokainë. Më pas policia e thelloi kontrollin në mjetin e tyre ku u gjetën 22 doza që përmbanin 17 gram kokainë brenda. Gjithashtu janë gjetur edhe dy aparate celularë dhe 1000 euro cash, të ardhura të mundshme nga aktiviteti i tregtimit.
Dy të rinjtë shqiptarë janë dërguar në burg.
