Mbretëresha Elizabeth II u nda nga jeta pak ditë më parë në moshën 96-vjeçare.
“Daily Mail” bën të ditur se ajo ka lënë pas një letër sekrete, e cila duhet të lexohet vetëm pas 63 vitesh të tjera, konkretisht në vitin 2085.
Letra ndodhet brenda një kasaforte në ndërtesën historike të Mbretëreshës Victoria të Australisë që prej 36 vitesh.
Mbretëresha Elizabeth e ka shkruar në nëntor 1986 gjatë një vizite shtetërore në Sidnei dhe ia ka dorëzuar Kryetarit të Bashkisë duke i thënë: “Në një ditë të përshtatshme të zgjedhur nga ju në vitin 2085, ju lutemi hapni këtë zarf dhe përcillni tek qytetarët e Sidneit mesazhin tim për ta.”
