Kryeministri i Greqisë, Kyriakos Mitsotakis iu është përgjigjur komenteve të Presidentit turk, në fillim të kësaj jave në Teknofest u shpreh: “Kujtoni historinë. Nëse vazhdoni kështu, do të paguani një çmim të rëndë”, duke paralajmëruar se “Turqia mund të vijë krejt papritur një natë”.
Mitsotakis theksoi se deklaratat e fundit të Erdogan janë të papranueshme.
“Agresioni i vazhdueshëm i të gjithë establishmentit politik turk është jashtëzakonisht problematik”, vazhdoi kryeministri gjatë një interviste në panairin ndërkombëtar të Selanikut, duke shtuar: “E kuptoj pse para zgjedhjeve fokusohen te nacionalizmi. Ata e kanë gabim, po helmojnë shoqërinë turke dhe marrëdhëniet e fqinjësisë së mirë. Nuk do të ndjekim Turqinë dhe Erdogan në breshërinë e deklaratave provokuese. Do të ishte e papërgjegjshme dhe jashtë karakterit tim. Ne do të japim përgjigje të qarta dhe do të nxjerrim në pah ndërkombëtarisht se si Turqia po përpiqet të rrisë tensionin dhe të tregojë se Greqia është përgjegjëse”.
Ai theksoi se ishujt grekë nuk janë kërcënim për Turqinë.
“E kundërta është e vërtetë. Turqia kërcënon ishujt. Ne do të vazhdojmë të pajisim forcat e armatosura dhe të përpiqemi të mbajmë kanale të hapura me Turqinë. Nuk jam unë ai që hodhi në erë urat e komunikimit me shtetin fqinj. Jam i hapur për ta takuar. Ai nuk dëshiron të flasë me mua. Unë i kam dëgjuar këto më parë. Takimo mendoj se do të ndodhë në të ardhmen. Ka mundësi. Është në Pragë takimi i parë i komunitetit politik evropian në të cilin ka gjasa të ftohet Turqia dhe unë nuk do ta kisha problem. Por Turqia duhet të mendojë se Erdogan do të përballet me argumentimin grek dhe të përgjigjet nëse provokimi përputhet me dëshirën për të pasur një marrëdhënie më të ngushtë me Evropën”, tha kryeministri.
Kyriakos Mitsotakis komentoi mundësinë që kriza të përshkallëzohet në një konfrontim ushtarak me Turqinë.
“Nuk mund ta imagjinoj një konflikt Turqi-Greqi. Nuk mendoj se mund të ndodhë. Dhe nëse kjo do të ndodhte, Turqia do të merrte një përgjigje që do të ishte absolutisht katalitike. Besoj se Turqia e di shumë mirë këtë. Ai e njeh mjaftueshmërinë e forcave të armatosura greke dhe shkallën e gatishmërisë së tyre”, përfundoi ai.
