Shqipëria ka rënë pre e një tjetër sulmi kiberenetik nga Irani, ku këtë herë kanë goditur sistemin e regjistrimit të hyrje-daljeve nga vendi, i njohur si sistemi TIMS.
Kjo situatë ka sjellë kaos në pikat kufitare në vendit, që aktualisht po punojnë manualisht, ndërkohe që ka radhë të shtuar.
Ndërkaq, është bërë publik imazhi që shfaqet në kompjuterët e policisë kufitare, teksa i gjithë sistemi është jashtë funksionit.
“Shqipëria ende po paguan për aktet terroriste të kultit MEK në Durrës; Dhe kjo lojë do të vazhdojë”, është ky mesazhi që shfaqet.
Sulmi i radhës vjen pak ditë pasi Shqipëria ndërpreu marrëdhëniet diplomatike dhe dëboi nga vendi diplomatët dhe stafin e ambasadës në Tiranë.
