Kanë dalë sot para gjykatës dy autorët e vrasjes së biznesmenit shqiptar, Xhani Topalli në Greqi.
Mësohet se 46-vjeçari shqiptar kishte marrë dy goditje të forta në kokë të cilat dhe i kanë marrë jetën, ka bërë me dije më herët autoritetet greke, ndërsa kanë publikuar edhe ekspertizën mjeko-ligjore.
Ndërkohë këtë të shtunë ka pasur tensione jashtë gjykatës në Rodos, pasi mbërritën 2 autorët. Në ambientet e gjykatës ishin edhe familjarë të biznesmenit shqiptar , të cilët janë revoltuar ndërsa kanë parë edhe dy autorët.
“Të kalben në burg”, kanë qenë thirrjet e tyre.
Hotelieri 53-vjeçar dhe djali i tij, 20-vjeç akuzohen për vrasje me paramendim në bashkëpunim. Familjarët u shfaqën të irrituar dhe të revoltuar, ndërsa forca të shumta policie mblodhën jashtë godinës për të shmangur ndonjë incident të mundshëm.
