Një ngjarje e cila për pak mund të përfundonte në tragjedi është shmangur në Greqi.
Shoferja e makinës, vjehrra e saj dhe dy fëmijët e vegjël për pak sa nuk u dogjën për së gjalli, kur makina me të cilën po udhëtonin u përfshi nga flakët e zjarrit, pasditen e 9 Shtatorit.
Protothema.gr shkruan se ngjarja ka ndodhur në ishullin e Kretës.
Për fat të mirë shoferja bashkë me fëmijët dhe vjehrrën arritën të dilnin në kohë nga makina e cila u bë shkrumb e hi nga zjarri, raportojnë mediat vendase.
Sipas hetimeve paraprake dyshohet se zjarri ka shpërthyer si pasojë e një defekti teknik në automjet.
