Ardhja e trajnerit të ri, Bledi Shkëmbi, pritet të pasohet te Teuta me disa ndryshime në formacion për ndeshjen e nesërme ndaj Kukësit.
Edhe pse korçari është munduar të përziejë kartat në seancën e djeshme, gjasat janë që të ketë lëvizje, kryesisht në mbrojtje dhe mesfushë. Natyrisht, nuk bëhet fjalë për ndryshime të mëdha, por 2-3 lojtarë mund të luajnë në pozicione të tjera, në ndryshim nga ndeshja e fundit me Erzenin.
Shkëmbi kërkon të ketë një skuadër të ekuilibruar. Mungesë e sigurt do të jetë qendërmbrojtësi Artan Jazxhi, që është i dëmtuar.
