Partizani e ka nisur në mënyrën më të mirë të mundshme këtë kampionat, teksa në 3 ndeshje ka arritur të marrë pikët e plota duke u pozicionuar në krye të klasifikimit.
Këtë sezon demat do të kenë edhe një armë plus në arritjen e objektivave, pasi së shpejti pritet të marrë fund “shtegtimi” i tyre.
Nëpërmjet një postimi në rrjetet sociale, klubi i kuq ka shpërndarë foto nga kompleksi, ku shikohen qartë se tashmë stadiumi ka marrë pamjen e plotë dhe në dy tribuna janë vendosur stolat.
Punimet vijojnë me hotelin, ndërsa prej muajsh tanimë shtëpia e të kuqve përdoret nga skuadra për stërvitje. “Së shpejti, shtëpia jonë”, shkruan Partizani krah fotove të shpërndara këtë mesditë.
