Zëvendëskryeministrja Belinda Balluku deklaroi këtë të Mërkurë se ndërtimet pa leje, apo me kate shtesë pa leje, do të konfiskohen.
Vendimi, shpjegoi ajo në një konferencë për gazetarët pas mbledhjes së Këshillit të Ministrave, është marrë nga qeverisë.
Balluku tha se “të tilla ndërtesa do të konfiskohen për tu përdorur për interes publik, do ti jepet qytetarëve që preken nga projekte publike, do tu jepen familjeve në nevojë apo do të kalojnë si zyra”.
“Vendimi i miratuar sot nga Qeverisa ka të bëjë me ndërtesat pa leje, siç ka një trend për ndërtimin e shtesave mbi lejet që ka dhënë bashkia. Ky trend ka një sjellje, që leja është me 7 kate, bëhen me 3 kate të tjera shtesë. Këto nuk do tolerohen më, do konfiskohen dhe do të merren për përdorim publik. Ky është proces i gjatë dhe që ka për qëllim dekurajimin e kompanive ndërtuese. Për çdo ndërtesë që ka shkelur lejen apo që ka ndërtuar pa leje do ketë investigim edhe për institucionet që kanë për detyrë të mintorojnë u kanë kaluar këto ndërtime nën hundën e tyre. S’do ketë tolerancë për ndërtuesit. Ndërtuesve do i jepet mundësia të parablejë këto kate shtesë dhe do marrin gjobë! Ndërtuesit do i falin keto hapsira dhe e tjera është që ndërtuesve do u konfiskohet dhe do dërgohet për ndjekje penale”, tha Balluku.
Ajo shtoi se në ditët në vijim do ketë komunikime të tjera publike për vendimin.
