Eridian Salianji, Viktor Gumi, Indrit Sefa, Silva Caka, Eris Çela, Shkëlqim Sulo dhe Arian Madhi janë caktuar ekspertë të Komisionit të Reformës Zgjedhore. Emrat u njoftuan në komisionin e posaçëm zhvilluar këtë të Martë nga kryetari, Damian Gjiknuri.
Gjiknuri specifikoi se Viktor Gumi dhe Indrit Sefa janë ekspertë teknikë, Eridian Salianji, Eris Çela, Shila Ballhysa nga mazhoranca dhe nga opozita, Arian Madhi, Shkëlqim Sulo dhe Silva Caka.
Deputeti Petrit Vasili vuri në dukje se edhe ekspertët e quajtur “teknikë” nga Gjiknuri janë në fat dhe ata politikë, duke shtuar se edhe bashkëkryetarët (Gjiknuri dhe Alibeaj) janë përfaqësues të dy forcave politike.
Komisioni vendosi që t’i propozojnë Kuvendit shtyrjen me 6 muaj të afatit të Komisionit të Reformës Zgjedhore.
