Policia ka bërë të mundur arrestimin e një 34-vjeçari, ndërsa është shpallur në kërkim një 39-vjeçar, të dy banues në Tiranë.
Në bashkëpunim me njëri-tjetrin, këta dy shtetas kanë tentuar t’i marrin një shtetasi 6 mijë euro nëpërmjet mashtrimit në rrjete sociale, duke u prezantuar me identitet të rremë.
“Si rezultat i operacionit u arrestua shtetasi T. Y., 34 vjeç, banues në Tiranë, për veprën penale “Mashtrimi” dhe u shpall në kërkim bashkëpunëtori i tij, shtetasi F. Gj., 39 vjeç, pasi dyshohet se në bashkëpunim me njëri-tjetrin, me anë të mashtrimit në një rrjet social, duke u prezantuar si dikush tjetër, i kanë kërkuar shtetasit F. B., 33 vjeç, shumën prej 6000 eurosh”, njofton policia.
Po ashtu uniformat blu bëjnë me dije se po vijon puna për kapjen e shtetasit F. Gj.
